Mishon

Ministerio di Tráfiko, Transporte i Planifikashon Urbano di Gobiernu di Kòrsou ta responsabel pa desaroyo duradero di tráfiko, transporte i planifikashon urbano. Den e ministerio akí e palabranan integral, sigur, i limpi ta pará sentral. E ministerio ta un organisashon den kual ta hasi uso di e mihó instrumentonan pa mantené i mehorá e kalidat di bida di tur suidadano i perkurá pa aksesibilidat optimal di Pais Kòrsou.

Mishon di e ministerio ta trata spesífikamente e siguiente puntonan:

  • Konekshonnan nashonal i internashonal konfiabel
  • Protekshon di nos komunidat kontra kondishonnan di klima peligroso
  • Desaroyo duradero pa loke ta trata uso optimal di e espasio na Kòrsou i regla esaki pa medio di infrastruktura i bibienda adekuá
  • Traha lei- i reglamentunan nashonal i internashonal i sòru pa ehekshon i supervishon di esakinan