Organisashonnan

Sektor di Infrastruktura i Planifikashon Urbano

Servisio pa Atministrashon i Maneho di Tereno Públiko (Domeinbeheer)

Domeinbeheer ta responsabel pa kompra i benta di tereno i konstrukshonnan. Domeinbeheer ta responsabel tambe pa, na un manera optimal, asigná i manehá terenonan públiko, awanan teritorial i bienesnan inmóbil di gobièrnu di Kòrsou.

Domeinbeheer ta duna terenonan públiko na suidadanonan òf kompanianan pa nan por traha kas, pa metanan komersial i industrial, pa metanan turístiko i agrario. Pa hasi esaki, Domeinbeheer, na nòmber di Gobièrnu di Kòrsou, ta kobra erfpagt of hür. Banda di tur esaki, Domeinbeheer ta kontrolá tambe okupashon ilegal di terenonan di gobièrnu i ta aktua si ta nesesario kontra di esaki.

adrès, tarea i produktonan di Servisio pa Atministrashon i Maneho di Tereno Públiko

Servisio pa Planifikashon Urbano

Servisio pa Planifikashon Urbano (ROP) ta sòru pa uso duradero i balansa di e espasio di Kòrsou. ROP ta evaluá petishonnan pa desaroyonan urbano nobo i situashonnan aktual pa sòru ku nan ta kumpli nivel di kalidat ku e maneho di Gobièrnu ta stipulá. E responsabilidat di ROP ta konsistí di ordená i duna forma na e espasio públiko di Kòrsou.

adrès, tarea i produktonan di Servisio pa Planifikashon Urbano

Servisio pa Obra Públiko

Servisio pa Obra Públiko ta sòru pa mantenshon i konstrukshon nobo di infrastruktura físiko (riba tera i bou di tera), fasilidatnan públiko, espasionan públiko i áreanan ‘bèrdè’.
OW ta, den poko palabra, e organisashon di konstrukshon i ingenieria sivil di Kòrsou. E organisashon aki ta responsabel tambe pa atministrashon di e mapa topografiko di Kòrsou, kùrmentu di instalashonnan di koriente, i tambe kùrmentu di ketelnan di stom.

adrès, tarea i produktonan di Servisio pa Obra Públiko

Sektor di Tráfiko i Transporte

Servisio Meteorológiko di Kòrsou

Servisio meteorologiko Korsou, miho konosi komo Meteo Korsou, ta e sentro di data i konosementu pa loke ta meteorologia, sismologia i klimatologia. Meteo ta e instansia di Gobiernu ku ta saka boletin di wer pa Korsou.

adrès, tarea i produktonan di Servisio Meteorológiko di Kòrsou

Servisio pa Tráfiko i Transporte

Servisio pa Trafiko i Transporte ta e organ­isashon di Gobiernu ku ta duna konseho pa loke ta permitnan pa transporte pub­liko. E organisashon ta responsabel tambe pa registrashon, dokumentashon I kurmentu di vehikulonan motorisa. Servisio pa Trafiko i Transporte ta parsial­mente responsabel tambe pa garantisa un trafiko sigur.

adrès, tarea i produktonan di Servisio pa Tráfiko i Transporte

Outoridat Marítimo di Kòrsou

Outoridat Marítimo di Kòrsou ta responsabel pa barkunan seif i nabegashon limpi riba laman. Tin tratadonan internashonal ku tur barku tin ku kumpli kuné i MAC ta kontrolá esei.

adrès, tarea i produktonan di Outoridat Marítimo di Kòrsou

Outoridat di Aviashon Sivil di Kòrsou

Outoridat di Aviashon Sivil di Kòrsou ta sòru pa e struktura i kordinashon di e kuadronan den kual por práktika aviashon na un manera sigur. E organisashon aki ta supervisá kòntròl di trá­fiko aéreo, terenonan di aviashon i kumplimentu ku regla. Tur esaki ta wòrdu hasi pa garantisá ku tur operashon, en general i spesífikamente pa loke ta seguridat di aviashon di e kompanianan di aviashon di Kòrsou, ta keda hasi na un manera sigur. Outoridat di Aviashon Sivil di Kòrsou ta su­pervisá pues tur asuntu ku tin di haber ku seguri­dat di aviashon pa Kòrsou.

adrès, tarea i produktonan di Outoridat di Aviashon Sivil di Kòrsou