Sektor di Tráfiko i Transporte

Outoridat Marítimo di Kòrsou

MAC ta registrá, sertifiká i inspektá barkunan ku ta operá riba nivel internashonal i ta kontrolá aktividatnan marítimo den nos awanan. Tantu di nos mes barkunan (vlaggenstaat) i di barkunan stranhero (havenstaat). Nos ta chek si tur papelnan i sertifikadonan ta na òrdu i válido. Si nan no ta na òrdu MAC ta disidí si e barku ta wòrdu detené òf ta haña un tempu definí pa drecha e fayo(nan). MAC ta duna konseho na Minister di Tráfiko, Transporte i Planifikashon Urbano pa e por duna pèrmit pa aktividatnan marítimo tuma lugá den nos awanan teritorial.

Pa loke ta nabegashon lokal, esaki ta kai bou di responsabilidat di Capitania Marítimo (Havenmeester) di Kòrsou.

Rondó di Kòrsou tin un zona di maksimal 200 mia nóutiko kaminda nos leinan marítimo ta na vigor. Minister a apuntá MAC pa manehá e zona aki i duna pèrmit na esnan ku ke konstruí den laman òf hasi aktividatnan marítimo riba laman

Kontakto

Outoridat Marítimo di Kòrsou
Maritime Authority of Curaçao(MAC)
Maritieme Autoriteit Curaçao

location Seru Mahuma z/n
phone +599 9 839-3366